«соғлиқни сақлаш вазирлиги» тегли мақолалар
Антикоррупция агентлиги ССВнинг 435 млн сўмлик тендерида қонун талаблари бузилганини аниқлади
Коррупцияга қарши курашиш агентлиги Соғлиқни сақлаш вазирлигининг 435 млн сўмлик тендерида қонун талаблари бузилганини аниқлади. Аввалроқ «Газета.uz» мазкур тендер бир корхона таъсисчилари иштирокида ўтказилгани ҳақида ёзганди.
Амрилло Иноятов Саломатлик ва стратегик ривожланиш институти директори бўлди
Собиқ соғлиқни сақлаш вазири Амрилло Иноятов 2023 йил кузида қайта ташкил этилган Саломатлик ва стратегик ривожланиш институти директори этиб тайинланди.
Асилбек Худаяров соғлиқни сақлаш вазири вазифасини бажарувчи этиб тайинланди
Асилбек Худаяров Амрилло Иноятовнинг ўрнига соғлиқни сақлаш вазири вазифасини бажарувчи этиб тайинланди. Шунингдек, у Президент администрациясининг Ижтимоий ривожланиш департаменти раҳбарининг биринчи ўринбосари лавозимини ҳам сақлаб қолди.
Дори моддаларини давлат рўйхатидан ўтказишга оид норма бекор қилиниши мумкин
Депутатлар дори моддалари (субстанциялар)ни давлат рўйхатидан ўтказишга оид нормани бекор қилиш назарда тутилган қонун лойиҳасини қабул қилди. Шунингдек, лойиҳада ССВ ваколатидан рецептсиз бериладиган дори воситалари рўйхатини йилига камида бир марта тасдиқлаш нормаси чиқарилмоқда.
ССВ бир корхона таъсисчилари иштирокида 435 млн сўмлик тендер ўтказди
Соғлиқни сақлаш вазирлиги ўз эҳтиёжлари учун ҳамда тиббиёт форумларига ташриф буюрадиган меҳмонларга совға сифатида тендер орқали 435 млн сўмлик кундалик, блокнот, ручка ва бошқаларни харид қилди. Тендер бир корхонанинг таъсисчилари ўртасида ўтказилган.
Бош прокуратура «Антиструмин» иши бўйича 3 шифокор аёл ҳибсга олинганига муносабат билдирди
«Антиструмин» препарати билан боғлиқ жиноий иш доирасида 3 нафар шифокор аёлнинг ҳибсга олингани ҳақидаги маълумотларнинг тарқатилиши терговнинг холис ва объектив ўтказилишига тўсқинлик қилмоқда, дея хабар берди Бош прокуратура.
ССВ раҳбари Тошкентдаги юқумли касалликлар шифохоналари юкламасини тезда камайтириш топшириғини берди
Тошкент шаҳрида юқумли касалликлар кўпайгани ҳақидаги хабарлар ортидан ССВ раҳбари шифохоналар юкламасини тезда камайтириш, «Зангиота-1» шифохонасида болалар учун захира ўринлар сонини кўпайтириш, қўшимча транспорт ажратиш, шунингдек, касалхонага ётқизишни таъминлаш бўйича кўрсатмалар берди.
Президент халқаро молия институтлари иштирокидаги лойиҳаларни амалга оширишда сусткашлик бўлаётганини танқид қилди
Президент халқаро молия институтлари иштирокидаги лойиҳаларни амалга оширишда барча соҳалар ҳам натижадорликка эриша олмаётганини таъкидлади. Хусусан, Қишлоқ хўжалиги, Соғлиқни сақлаш вазирликлари ва «Ўзсувтаъминот» акциядорлик жамиятидаги лойиҳаларда сусткашликка йўл қўйилаётганини танқид қилди.
Тошкентда 103 ходими аёл беморга уятсиз ҳаракатлар қилгани айтилмоқда. Иш бўйича хизмат текшируви тайинланди
Пойтахтда чақириққа борган тез ёрдам фельдшери беморга уятсиз ҳаракатлар қилгани айтилмоқда. Тез тиббий ёрдам маркази раҳбарияти «Газета.uz»га ходим фаолияти бўйича текширув тайинлангани ва ишчи гуруҳ экпертиза ўтказаётганини маълум қилди. ССВ вакили «Бу очиқ қоладиган масала эмас», дея таъкидлади.
ССВ «Антиструмин» воқеаси «передозировка» эканини 100 фоиз тан олади — Амрилло Иноятов
Соғлиқни сақлаш вазири Амрилло Иноятов сентябрда болалар йод таркибли «Антиструмин» дорисидан оммавий заҳарлангани ҳақида гапириб, препаратни беришда доза ошириб юборилганини тан олди. Аввалроқ унинг ўринбосари Элмира Боситхонова ҳолат сабаби дори эмас, ЎРВИ бўлиши мумкинлигини билдирганди.
ССВ Президент администрацияси интервью беришни тақиқламаганини маълум қилди
Ўзбекистон ССВ Президент администрацияси вазирга «Антиструмин» қабул қилган болаларда ножўя таъсирлар кузатилаётгани билан боғлиқ вазият ҳақида интервью беришни тақиқламаганини маълум қилди. Бу ҳақда аввалроқ журналистларга ўзини вазир ёрдамчиси деб атаган шахс айтган эди.
Соғлиқни сақлаш вазирига янги ўринбосарлар тайинланди
Президент қарори билан Фаррух Шарипов, Фарходжон Ташпулатов ва Олим Омонов соғлиқни сақлаш вазири ўринбосарлари этиб тайинланди.
Алишер Шодмонов соғлиқни сақлаш вазирининг биринчи ўринбосари этиб тайинланди
Тошкент тиббиёт академияси ректори Алишер Шодмонов Ўзбекистон соғлиқни сақлаш вазирининг биринчи ўринбосари этиб тайинланди. 2017−2020 йилларда у ушбу вазирликни бошқарган.
ССВ тиббий суғурта учун шахсий маълумотларни интернет орқали узатмасликка чақирди
Соғлиқни сақлаш вазирлиги поликлиникаларда рўйхатдан ўтмаганларга давлат тиббий суғурта тизимида хизматлар пулли кўрсатилиши ҳақидаги маълумотни рад этди. Рўйхатдан ўтиш фақатгина поликлиникага шахсий ташриф билан амалга оширилади. Ҳужжатларнинг нусхаларини интернет орқали юбориш мумкин эмас.
«Intermed Innovation клиникасининг важлари ҳуқуқий асосга эга эмас» — ССВ
ССВ Intermed Innovation хусусий клиникаси лицензиясини суд орқали бекор қилинганини маълум қилганди. Шундан сўнг, Intermed Innovation компанияси лицензияни бекор қилиш бўйича суд жараёнини ноқонуний деб атаган эди. Вазирлик клиниканинг баёнотига нисбатан муносабат билдирди.
Суд Intermed Innovation`нинг тиббий фаолият учун лицензиясини бекор қилди
Ўзбекистон ССВ Intermed Innovation хусусий клиникасининг лицензиясини суд орқали бекор қилдирди. Вазирлик маълумотларига кўра, компания Чирчиқ шаҳридаги 3-оилавий поликлиника биносида лицензиясиз тиббий фаолият олиб борган, шунингдек, кўрсатмаларга амал қилмаган.
Қашқадарёда беморлардан пул таъма қилган туғуруқхона ходимлари ишдан олинди
Тармоқларда Қашқадарёдаги туғуруқхона ходимларининг беморлардан пул таъма қилаётгани акс этган видео тарқалди. ССВ туғуруқ бўлими акушер-гинекологи ва доя ишдан бўшатилганини маълум қилди. Ҳолат юзасидан ҳуқуқ-тартибот идоралари томонидан ўрганиш ишлари олиб борилмоқда.
«Бу ҳозир ҳеч кимга қизиқ эмас» — ССВ Ўзбекистонда коронавирус статистикасини эълон қилиш тўхтатилгани ҳақида
Ўзбекистонда ковид статистикаси эълон қилинмаётганига бир ойдан ошди. Соғлиқни сақлаш вазирлиги касалланиш ҳолатлари кескин камайгани учун ахборот бериш тўхтатилганини билдирди. СЭС бошлиғи ўринбосари Нурмат Отабековнинг сўзларига кўра, ҳозирда кунига 15−20 та касалланиш ҳолати қайд этилмоқда.
Ўзбекистонда одам папиллома вируси тестини ўтказиш дастурини жорий этиш режалаштирилмоқда
Ўзбекистонда ҳар йили 1000 га яқин аёлнинг ўлимига сабаб бўладиган бачадон бўйни саратонини эрта аниқлашда одам папиллома вируси тестини ўтказиш бўйича синов лойиҳаси ўз самарасини кўрсатди. Бундай скринингни доимий ўтказиш дастури касалланиш ва ўлим даражасини пасайтиришга ёрдам бериши кутилмоқда.
Экспертлар Халқаро тиббий-санитария қоидаларининг тадбиқ этилишини баҳолайди
Халқаро экспертлар Ўзбекистонда Халқаро тиббий-санитария қоидаларининг ижроси юзасидан ташқи баҳолашни бошлади. Баҳолаш натижаларига асосланган тавсиялар мамлакатнинг фавқулодда вазиятларга тайёргарлиги бўйича янги ёндашувларни ишлаб чиқишга ёрдам беради.
Энг кўп ўқилган хабарлар | Сўнгги янгиликлар
- «Муваффақият жинсга эмас, билим ва қобилиятларга боғлиқ». Мактабда ўқийдиган дастурчи қизлар — лойиҳалари, орзулари ва стереотиплар ҳақида (2)
- Ўзбекистон Афғонистонга 169 тоннадан ортиқ инсонпарварлик ёрдамини юборди (фото)
- «Боғнинг менежери давлат бўлиши нотўғри. Бутун дунёда шунақа» — Тошкент ҳокими (видео)
- Бош прокуратура Ниғматилла Йўлдошев ва қидирувдаги тадбиркор ўртасидаги суҳбат видеосига изоҳ берди
- Қашқадарёда қизнинг номусига тегиш билан таҳдид қилиб, жараённи видеога олган шахсларга нисбатан жиноий иш очилди
Қўшимча имкониятларга эга булиш учун сайтда рўйхатдан ўтинг